لو اعرف الي زعلك والله

جت ثايره متوترة و قلت الحلـو زعـلان ليـه"
"الله يجازيهـم حــرام يزعـلـون المتـرفـه

رفعت حواجبها وزمت رمشهـا والمـوت فيـه"
"قالت بكيفـي والسبـب ماهـو بـلازم تعرفـه

شي ما يخصك اتركني في حالي الحزن اشتهيـه"
"احد اشتكى لك؟ يووه يا بعض الخلايـق ملقفـه

قلت انت لو ما تشتكيـن الهـم قلبـي يشتكيـه"
"من يوم اشوف الحزن من تحت الرموش المورفه

وشلون ما تبغيني اسـأل ليـه همـك تحمليـه"
"وانـاا بتهاجاتـي علـى نفسيـتـك متوقـفـه

زود انفعالاتـك يؤثـر بانفعـالاتـي واتـيـه"
"تأثير يتناسب تناسب طـردي ابنفـس الصفـه

لو اعـرف اللـي زعلـك والله للعـن والديـه"
"وإلا يجي لك يعتذر غصبـاً عـن اللـي خلفـه

قالت على بالك تتريق؟؟ يا برودك يييييييه ييـه"
"احر ما عندي هو ابـرد شـي عنـدك والطفـه

قلبتها ليه فيزياء وانـا احسـب انـك سيبويـه"
"اقول لـك حـره وبرضـك ماتسيـب الفلسفـه

مدري انت تستغبي معي وإلا مسوي لي نبيـه؟"
"وإلا انت فاكرنـي لهـذا الحـد انـا متخلفـه؟

لا لا حبيبي مو بنا اللـي يخدعـه مـا تدعيـه"
"مبروم ما يفتـل علـى مبـروم لعبـك بكشفـه

تقتل قتيلك ثـم تمشـي فـي الجنـازه تقتفيـه"
"من يوم آعرفك وانت ما تتـرك معـاي اللفلفـه

قلت اذكري الرحمن واعطيني سبب واحد وجيه"
"يعطيك حق انـك تدينينـي لـو انـك منصفـه

قالت لي اسأل نفسك اش سويت بالحب النزيـه"
"منهو الذي مشغـول جوالـه ودمـي استنزفـه؟

ثلاث ساعات اتصل مشغـول يا(خـي) وليـه"
"مدري تفاوض بوش وإلا انهـا بدايـة معرفـه

ليه الحسايـف دام قلبـك بـاع قلبـاً مشتريـه"
"إلا خسـاره فيـك دمعـاً فـي غيابـك بذرفـه

قامت وراحت واتركتني قلت معـذاري اسمعيـه"
"زمت شفايفها ولفحـت شعرهـا فـي عجرفـه

لحقتها قلت افهمي الموضـوع قالـت مـا ابيـه"
"قلت انت حره واتركتني آآآآآآه ياهـي مجحفـه

اسبوع يا(الظالمه) لا زادي ولا النـوم اهتنيـه"
"احب هالمجنونـه اللـي فـي عذابـي مسرفـه

من يوم راحت والسوالـف كلهـا لهجـة سفيـه"
"وذكرياتـي لأجـل يسكـت كلهـا تستحلـفـه
والوقت باسط كف قابض كف يفرك فـي يديـه"
"له عين يتشمت وانا اللي كنت بالضحـك اتلفـه

ان كان مر اسبوع ما جاني اتصـالاً محتريـه"
"بطلبك يا(القلب) خدمـه كـان مـا فيـه اكلفـه

اطلع شهار وقول عندي شخص ربـي مبتليـه"
"واحجز سريراً زين في غرفه فسيحـه مشرفـه

ومر وصلنـي عسـى الله لا يهينـك يالوجيـه"
"تلقاني اتحـراك لابـس ثـوب نـوم ومنشفـه

اتمنى يعجبكم flower

راااااااائع وجميييييل

يسلموووا حبيبتي عالكلام الروعهـ

تحياتي : شمــ العمر ــوع

ماأعذب مياه بحــــــركـ
ومااروع ضفــة نهــــركـ
ومااجمـــــل مسامرتك للقمر
وكأنك انتي القمر
غاليتي
عندما نبحر في بحرالابدااااااااع
لانجد سوى ساحلا واحدا وهو ساحل التميز
ولانجد الا سفينة واحدة تبحر بكل ثقة وبكل فخر
حينها اعلم ان تلك السفينة سفينتك وحدك
ثابري عزيزتي والى الأمام تقدمي

يسلمو على الموضووع الله لا يحرمنا منك وعقباال ماا أنشوف جديدكـ ......

تحياتي: أحبكـ يا قلبيـ ...

شموع العمر

احبك ياقلبي

مشكوووورين على الردووود الحلوة من ذوقكم والله lol!