تابع "" حياة الروح"

--------------------------------------------------------------------------------


الجزء الثاني:
في بيت أبومحمد..
أبو محمد:هذا والله اللي مهوب متسنع إلا بلسعة عقال على ظهره تربيه..
أبو فهد:يا خوي وسع صدرك هاه؟؟تلاقيه مودي زوجته لمكان منا و الا منا و إلا صار لهم ظرف..بسيطه.. شوي و إلا تلاقيه راز طوله قدامك..
أبو خالد:إلا وش أخبار التمر هالأيام(بغى يغير السالفة عشان أبو صالح المفول من الغضب)
أبو محمد من طرف عينه:مهوب تمر و أنا أخوك رطب رطب يا عبد الله..
أبو خالد و هو يطالع أخوه ناصر:و هذا اللي قلته هههههههههه..شرايكم نسيّر على المزرعة..
أبو فهد:والله إلا المزرعة يا خوك لا تنشد مرررة وديبها اليوم قبل باكر..بس موسم الصيد على الأبوااااااب كان نخيم في التنهات؟؟-يتنهد-إيييييييييييييييه..يا زين ذيك الأيااااام يوم الواحد فاضي..
أبو خالد:و أنت صادق يا خوووووي فاضي لا شغل و لا مشغلة بس تحتري هالحباري و الظبيان و تثووور فيهن..مير الحين كبرنا و حريمنا مهوب وجيه بران,,
هههههههههههه..تذكر يوم ثورت بقرناس..تذكر يا بو صالح؟؟
اكتفى أبو محمد بالابتسامة و شوي..
محمد و سلطان و بدر و نايف يدخلون للمجلس الكبيييييييير
و هم يضحكون..
نايف:هههههههههههههههههه أجل البرازيل هاه البرازيل يا شيخ روح لبق هناك رح شايب و يتحدى الشباب..(كان يكلم محمد)
زمجر أبو فهد على ولده:نووووويف و النكبة..الشياب يالأثول المنتهي تاج راسك..
نايف اللي انحرج:لا بابا شياب عن شياب يفرقون يالغالي(بغى يكحلها عماها)
محمد اللي استغل الفرصة:عمي تراه يسب لو أنا مكانك أفصخ عقالي و أرسم ظهره رسم..
سلطان:لا لا أنا أقترح النعال لأن مفعولها أقوى العقال يتنتف و يخرب لكن النعال تتمطط و تتمدد من الحرارة و أنا أق....
أبو محمد:سلطــــــــــان..
انتفض سلطان:سم طال عمرك .. و راح قعد جنب عمه أبو خالد..
أبو خالد:سلطان و ش هالكلام و أنا عمك لا ما ينفع النعال شارينها بفلوس غالية لالا أنا أقول حزام سلجار(السواق) ينفع..
و ضحكوا كلهم..
بدر:إلا وينه عمي سعود؟؟
بهالسؤال البسيط رجع التجهم لملامح أبو محمد و أبو فهد طالع ولده بنظرة..
....:السلام عليكم..
أبو محمد:كانك بتاخذ حزام سلجار فابدأ بهذا(يأشر براسه لجهة سعود)....يلله تفضلوا اقلطوا..
و تحرك أبو محمد و مر جنب سعود و لا ناظره أو قاله أي شيء و تخطاه أبو فهد بس قاله:وينك ؟؟
سعود:أبد رحت ل....
أبو فهد:بس..بس..هالعادة متى بتخليها..الله يهديك..(قاله و هو يهز راسه بأسف)
وراح أبو فهد و خلا سعود متفاجئ و منصدم..
أبو خالد:لا حول و لا قوة إلا بالله شفيك أنت شفيك؟؟ رد علي؟؟
سعود:رحت ل..
أبو خالد:بس و لا كلمة..(يمثل أنه معصب) لا تقاطعني أنت ما تستحي تجي متأخر عن أخوانك الكبار ليش على راسك ريشه و إلا على راسك ريشة؟؟هاه؟؟رد تكلم وراك كأنك أصمخ؟؟-يتكلم لبناني يعاير سعود بزوجته- آآآآآ شووو بيزهر الحكي مانو عاجبااااك ( و جو العيال الباقين بيتخطون أبو خالد عشان يروحون لغرفة الطعام-صرخ عليهم )و قفوا يا مال الوجعة ما تستحون أنتم تتعدون عمكم و هو قاعد وسط نقاش هادف..العيال انتفضوا و قعدوا... رجع يناظر سعود ..و ين كنا..؟؟ إيه.. نرجع لمحور حديثنا..رد علي وراك ساكت تكلم أشوف؟؟
سعود:رحت ل..
أبو خالد:بس بس سديت نفسي سد الله حلق العدو يلله قدامي أشوف قدامي جعلك الصلاح؟؟
أبو محمد من داخل غرفة الطعام:يلللللله انهجوا..(انهجوا يعني بسرعة)
أبو خالد و هو رافع صوته:ما تسمعون يلله أعوذ بالله معطلينا قاعدين يسولفون و الكبارية داخل يلله..
سعود و العيال ضحكوا على أبو خالد اللي كأنه أخوهم مو عمهم اللي ترتيبه عقب الكبير و المفروض يكون العكس أبو فهد هو المزوحي و أبو خالد هو الجاد الرسمي لكن أبو فهد تأثر بأخوه عبد العزيز بصورة كبيرة و أصبح يقلده في أغلب تصرفاته حتى في نبرة الصوت لكن ساعات يكون مرح..
راحوا غسلوا و دخلو لصالة الطعام الضخمة و الفخمة و الكبيرة...
(بيت العايلة كبيــــــــــــــــــــــــــــــــــــــــر على خمس أراضي بحيث صاير كأنه مجمع و مفتوح على بعضه و لكل واحد منهم فله محايطة بيت الجدة نورة و كل بيت أفخم من الثاني من حيث الديكورات و التصميمات و الأثاث و لكل بيت سواقين و عدد من الخدامات و في كل بيت حديقة و ملحق خارجي للشباب غير ملاحق السواقين و بيت شعر و في بيت الأم مسبح كبير محوط و مغطى بسقف..وصف المسبح بيجي في وقته بعدين..طبعاً تتسائلون شلون ريف تستأذن عشان تروح بيت جدتها اللي في نفس المجمع لأن أم فهد ما تحب تخلي عيالها يروحون هناك لانو الجدة نورة ما راح تخليهم بحالهم و اكيد بتعايرهم بأمهم غير ان الجدة نورة مهيب اصلا راضية على عيالها لانهم متزوجين من برا,,, و عايلة البن حمد من كبارية الرياض و أعرق قبايل نجد..و تميم.. لغناها و ثروتها الطائلة و شهرتها في مجال العقارات و المقاولات و التجارة)<<أنا ما حبيت أحط اسم عائلة معروفة عشان الإحراجات و ممنوع ومن هالكلام..
و هم على الأكل..
أبو محمد: نايف باليمين..
(نايف أعسر:يعني يستعمل و يعتمد على يده اليسار)
نايف:اوكي..
حاول نايف لكن ما قدر صار شكله غلط و انتثر بعض الرز على طرف الطاولة و قعد بدر يضحك عليه..
أبو محمد:بــــــدر انكتم لا والله أخليك تلقمه الحين..
انصدم بدر و سكت و الكل سكت و صاروا يطالعون أبو محمد و بدر..
أبو محمد مسح فمه بالمنديل عشان ما يشوفون ابتسامته:الحمدلله..و قام و لما طلع..
الكل:هههههههههههههههههههههههههههههههههههه..
سعود:شفتوا شكل بدر و الله تحفة وين الوليد يشوفك؟؟ هههههههههههههههههههههههههههههههههههههههه..
أبو فهد:هههههههههههههههههههههه أتخيل بدر يأكل نايف بيده..
بدر حمق و عصب.. بعدين ضحك معهم و الكل كمل عشاه...

.......
في السيارة..
حلا:هاااااااي..
ريف و راما:هااااااايات..
حلا:سوري تأخرت عليكم بس كنت أدور بوكي..
ريف:لا عادي ..عبد الغني يلله روح الفيصلية..
عبد الغني:أبشر عمتي..
راما:حلو(دلع حلا) شخبار أمي نورة؟؟
حلا:والله بخير بس مشيبة راسي هي و هالدوا اللي أراكض وراها عشان تاخذه..
راما:ههههه أمي نورة عنيدة الله يرفعها بالعافية..
الكل:آمين..

...............
في بيت أبو محمد..
في غرفة لمار..
لمار:لا تحاول..
منصور:حبيبتي تكفين و الله آسف واللـــــــــــــه آســـــــف..
لمار:يا سلااااااااااااااااااام ووين أصرفها هالآسف علمني قولي ما في بنك يقبلها...no no no...
منصور برقة:في بنك قلبك اللي فيه أثمن المشاعر اللي ما تنوزن بثروة..
لمار:يا سلااااااااااااااااااااام ايه بيع بيع الكلام علي و أنا آكل تبن إذا مارديت علي.. لا والله لازم تحس باللي حسيت فيه.. عنبو بليسك قلبي طاح ظنيت جاك شي..
منصور:بسم الله على قلبك حبيبتي مين قال إني ما حسيت بك والله حسيت حتى قلبي كان يقولي أنك خايفة علي..
لمار:منصووووووووووووور لا تكذب علي.. لا تــــــكذب..
منصور بحسرة:طيب شقولك إذا أنت مو راضية علي... شقول..؟؟
لمار:تقول يلله مع السلامة..
منصور:آآآآآآآآآآآآآآآآآآآآآآآآآآآآآآآآآآآه ...
لمار معصبة:تتنهد؟؟أكيد..ما صدقت تفتك مني؟؟بلاي أنا علة..أعل القلب..صح..
منصور:ميمي..تراك أتعبتي قلبي..
لمار:دام أني أتعبك وشوله ماخذني؟؟
منصور:لأنك تتعبين القلب من حلاتك و جمالك و خفة دمك و ذوقك و أسلوبك..(لمار تعض أصابعها من الحيا)ميمي أنت مرض قلبي..برضاك و زعلك..يا ويل قلبي منك..
لمار بنعومة:سلامتك..
منصور:حسيتي فيني؟؟
لمار:منصوري حبيبي أنت لازم تعرف أنك متزوج يعني في وحدة تقلق عليك و تشيل همك و عندها سلامتك و راحتك في المرتبة الأولى..
منصور يسمع كلامه و هو مغمض عيونه..أحبها يا ناس أحبها..بصوت رقيق:آسف..
لمار بصوت أكثر رقة:ما بينا أسف حبيبي..
منصور:خلاص طاح الحطب..
لمار:طاح و انكسر و انطفى و رمّد بعد..
منصور:يعني أجي..
لمار بحيا:البيت بيتك..
منصور بفرحة كبيرة:دقيقة دقيقة و أنا عندك يا روح منصور..
لمار بضحكة:ههههه حبيبي شوي شوي لا تستعجل..
منصور:تآمرين أمر مع السلامة..
لمار: مع السلامة..
و سكرت الخط و هي تحمد ربها أنها متزوجة من رجال يحبها و تموت فيه..منصور و لمار يحبون بعض من هم صغار و منصور من خلص الثانوية اشتغل في شركة أبوه حتى وهو يدرس الجامعة و ما قدر يصبر إلا وهو خاطب لمار..شوووووي.....
تدخل العاصفة الهوجاء لارا:شفتي شفتي..
لمار:بسم الله الرحمن الرحيم...(تحط يدها على قلبه)وشو؟؟ وش اللي أشوفه؟
لارا:ريفوه الخاينة رايحة مع حلا و رمرم للسوق و لا علموني شفتي..
لمار معصبة:الحين داخلة علي بكل وقاحة..(فتحت عيونها لارا)مثل البقرة الهايجة وشفتي و شفتي و شفتي و في النهاية راحوا للسوق؟؟شفيك أنتي هبلة و إلا مخفة..كيفهم خل يروحون أنتي شعليك و بعدين أنتي رايحة أمس مع لانا للسوق و لحستي بضايعهم كلها و بعد تبين تروحين...عيب يا لارا عيب أنتي في توجيهي يعني بنت كبيرة ناضجة ما....
لارا:oooooooh my good lord…o.k o;k fine..خلاص اسكتي و اللي يرحم والديك خلاص..أفففف..المهم أشوفك مستانسة أول ما دخلت شصاير..
لمار بحالمية و كأنها عايشة حلم:آآآآآآآآآآه ه ه لو أقول أحبه و أعشقه و أهواه و ميتة في غرامه شوي عليه شوي عليه sis..تصدقين قعد يراضيني عشان هو ما رد علي 4 مرات اليوم الصبح و ظن أني زعلانة منه..آآآآه ه ه أنا ما أزعل منه مستحيل أزعل منه..أحد يزعل من روحه؟؟آآآآه يا لولو لو تحسين..........(تلفتت و مالقت لارا) لارا...(تدورها) لارا...(عصبت)هين يا لويرا هين..

.....
في أمريكا..
في مقهى قريب من الجامعة..
فهد:أقول خالد..؟؟
خالد:هلا..
فهد:شسويت مع الدكتور غاليانو؟؟
خالد:أففففففففففف مدري لحد الآن مدري؟؟
فهد:وش اللي ما تدري؟؟
خالد:رحت له و قلت له أبسوي presentation عشان يرفعني عنده و قالي أفكر..يا خي غريبة؟؟
فهد:وش اللي غريبة؟؟
خالد:الدكتور كان عادي معي في البداية لكن بعدين تغير علي..صاير يعاملني بطريقة فظيعة..
فهد:طيب يمكن بدر منك تصرف؟؟ شيء؟؟
خالد:مستحيل أنا عارف نفسي ماسويت شي..
فهد:صدق غريبة..
قعدوا ياكلون عشان يروحون لمحاظراتهم..بعدين..
خالد كان شايل ساندويتش و تركه..
خالد:لا حول إلا بالله ..أففففف
فهد:شفيك؟؟
خالد:فهد قم قم خلنا نمشي من هنا قم..
فهد يتلفت:ليش؟؟
خالد:لا تلتفت..جيسكا موجودة هنا..
فهد بنظرة خبيثة:لاااااااااااااااااااااااااااااا..إيييييه جيسكا بنت الدكتور غاليانو....وليش انقلب وجهك من دخلتها يا يا يا الخاين..
خالد بصدمة:خـــــــــــــــــــاين؟؟
فهد و لازال على نظرته:إيييه أجل تخون أختي ياللي ما تستحي..
خالد بنظرة استحقار لفهد:والله أنك فاضي..أنا ماشي..
فهد:لحظه يا ولد..أووووه.. دفع فهد الحساب و مشى ورا ولد عمه اللي انصدم من ردة فعله..


منصور و لمار طيور الحب..بيستمر الوضع هااادي؟؟أو...
ياترى شسالفة جيسكا؟؟
و البنات اللي راحوا السوق؟؟شبيصير معهم؟؟
بقية الأحداث بتكون في الجزء الثالث من حياة الروح؟؟

............... انتظر الردود ..................



مع "تحياتي""

تسلمين حياااتو

الله لايحرمنا من مواضيعج الحلوووه (^_^)

شكورة قلبوووووووووووة

كلك حركات يسلمووو
كملي بسرعة

يسلمووووووووو
على المرور